𝗢𝗽𝗶𝘀𝘆𝗮𝗹 𝗻𝗴𝗮 𝗣𝗮𝗺𝗮𝗵𝗮𝘆𝗮𝗴 𝘀𝗮 𝗖𝗲𝗻𝘁𝗿𝗮𝗹 𝗠𝗶𝗻𝗱𝗮𝗻𝗮𝗼 𝗨𝗻𝗶𝘃𝗲𝗿𝘀𝗶𝘁𝘆
Taliwala sa gihimo sa Central Mindanao University nga pag atiman sa mga hangyo sa mga miyembro sa Buffalo-Tamaraw-Limus kun BTL ilabi na ang pagpasulod sa mga anak nga wala nakapasar sa entrance exam sa CMU, apan hilom kini nga mihimo ug mga lakang nga nakahatag og kagubot sa malinawon nga komunidad sa Central Mindanao University.
Ang illegal nga pagsulod sa mga grupong BTL sa yuta nga gihuptan sa CMU sa kapin 30 na ka tuig nakahatag kanila sa kahigayonan nga molambo sa ilang panginabuhi, apan bisan pa niana, padayon sila nga gasulod sa yuta nga kasamtangang gitikad sa CMU nga gigamit alang sa mandato pagduki-duki, pag edukar, serbisyo sa komunidad, ug produksiyon.
Sa pagkakaron, ang CMU naglantaw malagmit nga ang kasamtangang panghitabo iya nga lihok sa walhong grupo ug angayan nga hatagan og pagtagad sa pangagamhanan.
Busa ang CMU nagpahimangno sa publiko nga ang yuta nga gihuptan sa Central Mindanao University dili panghatag ug baligya.
Kun adunay mga tawo o grupo nga moduol kaninyo ug mohanyag nga magpa miyembro sa usa ka kapunungan o ogranisasyon para maka angkon ug yuta sa CMU, dili kana lehitimo o dili tinuod ug usa lamang ka pagpanglingla kaninyo. Itaho sa mga opisyal sa Central Mindanao University o bisan kinsang opisyal sa local government unit aron mapahibalo ang Central Mindanao University kun adunay mga namatikdan nga mga insidente susama niini.
Pagpakabana. Gasa ang CMU sa mga kabus nga gustong motapos sa ilang pagtuon. Ato kining panalipdan ug dili pasagdan nga kini maangkon sa uban. Ang CMU matuod nga naghupot sa yuta nga gisangon kaniya sa Republika sa Pilipinas.

#istandwithCMU